Jólakveðja!

Óska bloggvinum mínum sem og öðrum, sem lesa síðu mína, gleðilegra jóla og farsældar á komandi ári.  Þakka góðar athugasemdir sem og annað á síðu mína hefur verið skrifað, á árinu sem er að líða.  Guð geymi ykkur öll!

Jólakveðja!

Kristján Eldjárn Þorgeirsson


Stórkostlegir tónleikar á Selfossi

Var að koma af hreint stórkostlegum jólatónleikum, sem haldnir voru í íþróttahúsinu Iðu á Selfossi nú í kvöld.  Þarna stigu á stokk margir af fremstu listamönnum þjóðarinnar og má þar nefna Ragga Bjarna, hinn eina sanna, Diddú, Friðrik Ómar og Guðrúnu Gunnarsdóttur.  Þar að auki komu einnig fram Karlakór Selfoss, tvær ungar stelpur sem sungu einsöng en það voru þær Katrín Arna og Hildur og síðast en ekki síst ber að telja leyniatriði kvöldsins sem var stórkostlegur söngur Gísla Stefánssonar og Maríönnu Másdóttur, við undirleik Stefáns Þorleifssonar.  Alveg hreint frábær söngdúett þar á ferð, sem við sunnlendingar, sem og aðrir landsmenn, eigum vonandi eftir að fá að heyra meira í.  Þetta var einn af hápunktum tónleikanna.  Annar hápunktur tónleikanna var, að mínum dómi, söngur Diddúar og Karlakórs Selfoss þegar þau fluttu saman lagið Ó Helga Nótt.  Skipuleggjandi þessara tónleika er enginn annar en Kjartan Björnsson og á hann heiður skilinn fyrir að leggja á sig þessa vinnu og um leið að koma með svona menningarviðburð hér á Selfoss.  Kjartan er ótrúlegur maður og óhætt er að segja að hann er óhræddur við að hrinda hugmyndum sínum í framkvæmd, svo eftir verði tekið.  Ber þar að nefna Selfossþorrablótið, sem hann hefur haldið undanfarin ár við góðar undirtektir.  Kjartan stóð fyrir glæsilegri afmælishátíð nú í haust í tilefni af 60 ára afmæli Selfossbæjar.  Og nú kemur hann með enn einn menningarviðburðinn, sem voru þessir tónleikar.  Ég vil leggja það til hér og nú að Kjartan Björnsson verði valinn maður ársins hér á Suðurlandi fyrir að koma með alla þessa menningartengdu viðburði hingað á Suðurlandið.  Hann á það svo sannalega skilið. 

Jólasveinarnir koma á Selfoss

Var að koma frá hátíðarhöldum í tengslum við það að kveikt var á bæjarjólatréinu á Selfossi.  Hápunktur hátiðarinnar var þegar jólasveinarnir komu í bæinn og keviktu á tréinu.  Þetta er skemmtileg hefð sem skapast hefur hér á Selfossi þegar jólasveinarnir úr Ingólfsfjalli koma akandi yfir brúnna á rútu, en þetta er þrítugasta árið í röð sem þetta er gert, jólasveinarnir koma og taka lagið og svo láta þeir fólk telja niður og búmm, það kemur ljós á tréið.  Ungir sem aldnir bæjarbúar á Selfossi sem og aðrir gestir sem sækja Selfoss heim til þess eins að sjá sveinanna koma á rútuþakinu.  Hægt er að fylgjast með þeim, koma akandi eftir Suðurlandsveginum langt fyrir ofan brú, frá hátíðarsvæðinu, sem staðsett er vestan megin við Ölfusárbrú.  Semsagt skemmtileg hefð sem setur skemmtilegan svip á jólaföstunna hér á Selfossi

Frábært Stelpur!

Það er gaman að því að kvennalandsliðið sé komið í umspil um sæti á EM kvenna í handbolta. Kvennahandbolti, á Íslandi, hefur verið í gífulegri uppgöngu hin síðari ár. Þó að það sé getumunur á liðunum í deildinni þá eru samt sem áður frambærilegar handboltakonur í öllum liðum í deildinni.
Nú er bara að vona að stelpurnar komist á EM. Það yrði frábært til þess að vita að Íslendingar eigi bæði karla og kvennalið á EM á næsta ári. Það gerist nú ekki á hverjum degi og allavega ekki í öðrum boltagreinum.
mbl.is Ísland sigraði Bosníu og er á leið í umspilið
Tilkynna um óviðeigandi tengingu við frétt

Rafmagn til netþjónabús og Kísilhreinsunar

Hvað ætli svona starfsemi noti mikið rafmagn? Það er svolítið skrýtin tilhneiging að það þurfi að virkja allar lækjarsprænur ef einhver vill setja upp einhverja starfsemi hérna. Ég held að það væri gaman hjá fjölmiðlum að athuga það hvað þessar starfsemir noti mikið rafmagn og hvort það þurfi virkilega að virkja meira fyrir svona starfsemi. Síðan má líka athuga hvort ekki sé hagkvæmara fyrir Hitaveitu Suðurnesja að skaffa rafmagn fyrir netþjónabú á varnarliðssvæðinu gamla í Keflavík og Orkuveitu Reykjavíkur til Kísilhreinsunarverksmiðju í Þorlákshöfn. Það er styttra fyrir þessa aðila að leggja raflagnir á þessa staði, HS frá Reykjanesvirkjun og OR frá Hellisheiðarvirkjun, heldur en Landsvirkjun að leggja rafmagn frá Þjórsárbökkum
mbl.is Landsvirkjun ræðir við Verne Holding um orkusölu
Tilkynna um óviðeigandi tengingu við frétt

Hraði er karlmennskutákn

Ég sem hélt að ég væri karlmaður, sterkur, stór og dimmraddaður.  Það virðist ekki vera nóg samkvæmt þessari rannsókn.  Ég ætti kanski að fá mér hraðskreiðari bíl.  Hvað finnst ykkur? Og hvernig bíl á ég þá að fá mér?
mbl.is Hraði er karlmennskutákn
Tilkynna um óviðeigandi tengingu við frétt

Sala á bjór og léttvínum í matvöruverslunum?

Nú er til umræðu hvort leyfa eigi sölu á bjór og léttvíni í verslunum.  Ég er bæði hlynntur og andvígur þessu máli.  Ég er hlynntur því að því leyti að mér finnst rétt að fólk geti labbað inn í stórmarkað/verslun og keypt sér bjór og léttvín eins og hvern annan drykk, sem hægt er að kaupa í verslunum.  Síðan er það að mér finnst ekki að ríkisvaldið eigi að vera að standa í verslunarrekstri sem enginn fær möguleika á að keppa við sakir einokunnar.  Og svo er verið að tala um að þetta komi til með auka drykkjuvandann, því er ég algerlega ósammála.  Mér hefur einmitt sýnst að þeir sem vilja drekka áfengi ná sér í það hvort sem það er selt í ÁTVR eða ef það væri selt í matvöruverslunum.  Svo er það forvarnarþátturinn, sem margir hafa áhyggjur af, að gleymist alveg í sambandi við þetta mál.  En ég spyr aftur á móti erum við ekki með ágætis forvarnir í því að hafa áfengiskaupaaldurinn miðaðan við 20 ára aldur.  Þessu má alveg halda áfram þó svo að farið verði að selja bjór og léttvín í matvöruverslunum.  En svo er líka sagt að afgreiðslufólkið í verslunum séu nær flest öllum tilvikum unglingar, og í kjölfarið kemur þá upp að það megi ekki afgreiða áfengi.  Þessu er enginn vandi að bjarga, það má bara setja upp sér horn í verslunum þar sem áfengið yrði haft og fólk þyrfti að greiða fyrir það áður en það fer útúr þessu horni, afgreiðslufólkið þar yrði 20 ára og eldra.  Af hverju er hægt að hafa sér mjólkurkæli í verslunum, þar sem allar mjólkurvörur eru geymdar og viðskiptavinirnir fara þar inn og ná sér í þá vöru sem þeir ætla að kaupa? Þá ætti líka að vera hægt að hafa sérstakt vínhorn þar sem fólk fer bara og nær sér í það sem það vill drekka.  Eini munurinn á þessu væri sá að í vínhorninu yrðiru að borga áður en þú ferð út úr því en ekki í mjólkurkælinum.  Með þessu væri búið að slá tvær flugur í einu höggi, hindra aðgengi barna og unglinga að áfengi, á svipaðan hátt og gert er í ÁTVR, en er þó ekki bundið í klafa einokunnar og tryggir þar af leiðandi samkeppni, sem ég held að komi til með að lækka verð á vörunni, sem er nú alveg fáránlega hátt miðað við í nágrannalöndunum.  Með þessu yrði að hafa strangt eftirlit og taka vínsöluleyfið af þeirri verslun sem bryti reglurnar um þessa sölu.

Ég legg til að tilraun, um þetta mál, verði gerð í 5 ár og sjá hver niðurstaðan af því yrði.  Ef hún yrði góð eða óbreytt, hvað varðar neyslu, þá er sjálfsagt að halda þessu áfram.  En ef hún yrði slæm mætti bara kippa löggjöfinni til baka og láta sölunna aftur undir einokun ríkisvaldsins.

 


Guðjón Valur fer í aðgerð á öxl á morgun

Vonandi að hann verði búinn að ná fullum styrk aftur fyrir Evrópumótið, þar sem hann er mjög mikilvægur fyrir íslenska liðið í þeirri baráttu sem framundan er í Noregi í Janúar.  Ef svo verður ekki þá er Baldvin Þorsteinsson, ekki skuttogari, næstur inn í þessa stöðu að mínum dómi.
mbl.is Guðjón Valur fer í aðgerð á öxl á morgun
Tilkynna um óviðeigandi tengingu við frétt

Spaugstofan án Randvers

Nú hefur fyrsti Spaugstofuþátturinn, þennan vetur, runnið sitt skeið.  Það er strýtið, fyrir svona Spaugstofuáhugamann eins og mig, að vita til þess að Randver Þorláksson skuli vera hættur með þeim Karli, Sigurði, Pálma og Erni, í þessum hóp.  Hvort sem það er rétt að hann hafi verið rekinn eða að hann hafi hætt vegna þess að hann hafi verið orðinn leiður á þessu og hafi viljað gera eitthvað annað í staðinn.  Mér finnst það eðlilegri skýring heldur en að hann hafi verið rekinn, eins og slegið var upp í blöðunum um daginn.  En nú spyr maður sig hver verður nýr félagi Boga róna á Arnarhóli núna? Og líka, úr því að Jóhanna Sigurðardóttir er komin aftur í ríkisstjórn, hver á þá að leika hana? Randver var snillingur í því sem og að leika aðrar konur.  En um þáttinn áðan þá ver hann bara nokkuð góður og þetta með að hafa gestaleikara kemur vel út ef marka má þennan þátt. Vonandi að Spaugstofan verði áfram svona góð í vetur og skemmti landanum í skammdeginu.

Selfoss í 1. deild

Það er frábært til þess að vita að Selfossliðið er komið upp í 1. deild.  Fyrir mér var það nú eða aldrei þar sem allar aðstæður til að komast upp voru fyrir hendi, liðið sennilega það sterkasta sem við höfum átt lengi, reyndar með fullri virðingu fyrir öllum sem hafa spilað fyrir liðið undanfarin ár, fjölgun liða í 1. deild sem gerði það að verkum að þrjú lið fóru upp úr 2. deild á þessu tímabili og síðast en ekki síst frábær þjálfari.  Allt þetta hefur hjálpast að að gera þetta að veruleika eftir 13 ára baráttu við að ná þessu markmiði, sem svo oft hefur verið svo nálægt að takast undanfarin ár.  Það tókst núna allavega og það er vel.  Og næsta skref, fyrir liðið, er að halda sæti sínu í deildinni að ári og ef allir leggjast á eitt með það þá á það að vera raunhæft markmið.  Það er allavega næsta þerp í stiganum á leið á toppinn sem allir stefna á.

Strákar, sem og allir Selfossbúar!  Til hamingju með árangurinn!


mbl.is Selfoss og KS/Leiftur í 1. deild
Tilkynna um óviðeigandi tengingu við frétt

« Fyrri síða | Næsta síða »

Um bloggið

Kristján Eldjárn Þorgeirsson

Höfundur

Kristján Eldjárn Þorgeirsson
Kristján Eldjárn Þorgeirsson
Höfundur er góður drengur og með ákveðnar skoðanir á mörgum málum. Honum er fátt óviðkomandi. Einnig er hann húmoristi og tekur þar af lífið mátulega hátíðlega
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband