Rafmagn til netþjónabús og Kísilhreinsunar

Hvað ætli svona starfsemi noti mikið rafmagn? Það er svolítið skrýtin tilhneiging að það þurfi að virkja allar lækjarsprænur ef einhver vill setja upp einhverja starfsemi hérna. Ég held að það væri gaman hjá fjölmiðlum að athuga það hvað þessar starfsemir noti mikið rafmagn og hvort það þurfi virkilega að virkja meira fyrir svona starfsemi. Síðan má líka athuga hvort ekki sé hagkvæmara fyrir Hitaveitu Suðurnesja að skaffa rafmagn fyrir netþjónabú á varnarliðssvæðinu gamla í Keflavík og Orkuveitu Reykjavíkur til Kísilhreinsunarverksmiðju í Þorlákshöfn. Það er styttra fyrir þessa aðila að leggja raflagnir á þessa staði, HS frá Reykjanesvirkjun og OR frá Hellisheiðarvirkjun, heldur en Landsvirkjun að leggja rafmagn frá Þjórsárbökkum

Landsvirkjun ræðir við Verne Holding um orkusölu

Athugasemdir

[Vignir Arnarson, 10.11.2007 kl. 14:11]

Heir heir þú ert snillingur "frændi" tek heilshugar undir þetta sjónarmið og held að þetta sé neflinlega nokkuð rétt hjá þér að varla þurfi að virkja fyrir nokkrar tölvur.Þorlákshöfn fyrir hönd suðurlandsins alls þarf vissulega rafmagn til stóriðju.

[Anna Sigga, 20.11.2007 kl. 10:53]

Kristján!!  Hvað ertu að segja?!?

[Kristján Eldjárn Þorgeirsson, 22.11.2007 kl. 18:57]

Það sem ég er að segja er að ég er ekki á móti svona starfsemi eins og netþjónabúi og kísilhreinsun.  En ég er að segja að það væri gaman að vita hvort ekki er til nóg rafmagn fyrir allavega aðra, eða báðar starfsemirnar, nú þegar í landinu.  Ef svo er ekki þá væri sniðugra að láta HS og OR skaffa rafmagn fyrir þessar starfsemi sökum staðsetningar.  En svo er ég á móti að fórna neðri hluta Þjórsár fyrir þetta.