Spaugstofan án Randvers

Nú hefur fyrsti Spaugstofuþátturinn, þennan vetur, runnið sitt skeið.  Það er strýtið, fyrir svona Spaugstofuáhugamann eins og mig, að vita til þess að Randver Þorláksson skuli vera hættur með þeim Karli, Sigurði, Pálma og Erni, í þessum hóp.  Hvort sem það er rétt að hann hafi verið rekinn eða að hann hafi hætt vegna þess að hann hafi verið orðinn leiður á þessu og hafi viljað gera eitthvað annað í staðinn.  Mér finnst það eðlilegri skýring heldur en að hann hafi verið rekinn, eins og slegið var upp í blöðunum um daginn.  En nú spyr maður sig hver verður nýr félagi Boga róna á Arnarhóli núna? Og líka, úr því að Jóhanna Sigurðardóttir er komin aftur í ríkisstjórn, hver á þá að leika hana? Randver var snillingur í því sem og að leika aðrar konur.  En um þáttinn áðan þá ver hann bara nokkuð góður og þetta með að hafa gestaleikara kemur vel út ef marka má þennan þátt. Vonandi að Spaugstofan verði áfram svona góð í vetur og skemmti landanum í skammdeginu.

Athugasemdir

[Áslaug (IP-tala skráð) 20.9.2007 kl. 08:58]

Til hamingju með daginn frændi :)

kv Áslaug

[Anna Sigga, 20.9.2007 kl. 15:34]

Til hamingju með afmælið... ég ætla ekkert að tjá mig um spaugstofuna í gjöf til þín

[Kristján Eldjárn Þorgeirsson, 20.9.2007 kl. 22:57]

Takk Áslaug frænka og takk Anna Sigga.  Nú er síðasta árið sem maður getur sagt að maður sé 20 og eitthvað gengið í garð

[Babu (IP-tala skráð) 21.9.2007 kl. 01:29]

Er ekki ráðlagt að óska þér til hamingju/samhryggjast þér með daginn hérna líka svo það sé skjalfest

Sá ekki Spaugstofuna en mér þykir þetta hið undarlegasta mál. Gæti helst trúað að það sé réttast sem ég heyrði einhverstaðar að Randver væri erfiður í samskiptum.