Selfoss í undanúrslit bikarkeppninnar! Þetta er æðislegt!

Það var æðislegt að fylgjst með þessum leik hér á Selfossi.  Þetta byrjaði ekki gæfulega fyrir heimamenn þar sem þeir lentu 0-5 undir og leit satt best að segja út fyrir að Stjarnan ætlaði að rassskella mína menn.  En Selfossliðið beit í skjaldarrendur og snéri leiknum sér í hag og leiddi í hálfleik 14- 13.  Síðari hálfleikur var jafn og spennandi og endaði 28-28.  Það þurfti því að grípa til framlengingar og þar hafði selfoss betur 32- 31.  Birkir, markvörður Selfyssinga, varði vítakast eftir að leiktíma lauk í farmlengingunni og tryggði þar með sigur Selfyssinga.  Það er því óhætt að segja að dramatíkin hafi ráðið ríkjum hér í Flóanum í kvöld, þar sem hið unga og bráðefnilega lið Selfoss fór í undanúrslit í bikarkeppninni.  þessi leikur var mikil prófraun fyrir Selfossliðið, sem ætlar sér upp í úrvalsdeild í vetur, og nú var liðið að spila við úrvalsdeildarlið og sýndi það að það á fullt erindi í baráttu við þá bestu á Íslandi.  Nú er bara fyrir liðið að byggja ofan á þennan árangur og vonandi að við, selfyssingar verðum heppnir með andstæðinga í undanúrslitum og náum að komast í Laugardalshöllina til að spila til úrslita.  Það væri geggjað að ná því.  Það er vel hægt miðað við það sem Selfossliðið sýndi í kvöld.

Selfoss í undanúrslit bikarkeppninnar

Athugasemdir

[Babu (IP-tala skráð) 9.12.2008 kl. 00:00]

Við þyrftum að fá Val aftur og hefna ófarna frá því síðast þegar við komumst í úrslit.

Annars snilld hjá strákunum og þá sérstaklega Basta.

[#13 (IP-tala skráð) 9.12.2008 kl. 02:48]

Alveg sama hvaða lið það verður...

...annar leikur í mjólkurbænum fyrir svona áhorfendum verður alltaf rosalegur.

Þökkum stuðninginn!!!