Draumur orðinn að veruleika! Selfoss leikur í efstu deild í fótbolta á næsta ári

Draumurinn hefur ræst.  Selfoss spilar á meðal þeirra bestu á næstu leiktíð.  Maður er búinn að bíða eftir þessari stund síðan maður var peyi.  Það var virkilega gaman að verða vitni að þessu og manni er eiginlega orða vant.  Sem ungur drengur var maður vitni að því þegar Selfoss varð handboltabær á einni nóttu og mjaltavélin þurrmjólkaði hvern andstæðinginn, hér í íþróttahúsinu, svo unun var á að horfa.  Síðan þá hefur mjaltavélin hikstað og ekki gert stóra hluti en samt sem áður góða hluti.  Nú legg ég til að Selfossvöllur verði gerður að sömu mjaltagryfju og íþróttahúsið var á sínum tíma, og að liðið mjólki hvern andstæðinginn eftir annan. 

Til hamngju Selfoss með þennan glæsilega árangur.  Maður er stoltur af því að vera Selfyssingur í kvöld.  það er sérstaklega gaman að því að það séu eingöngu heimamenn í liðinu .