Einföldun hjá danska þjálfaranum

Að segja að skýringin á því að danir unnu ekki gullið sé sú að Knudsen línumaður hafi ekki verið með er mjög mikil einföldun hjá Ulrik Wilbek.  Knudsen, sem vissulega er frábær handboltamaður, er ekki skýringin á þessu gengi dananna, heldur er það hugarfar leikmanna sem skiptir máli, já og hvernig þjálfarinn mótíverar mannskapinn fyrir leiki.  Dönsku leikmennirnir féllu á eigin hroka í þessu móti svo einfalt var það og hefur ekkert með það að gera hvort Knudsen var með eða ekki.   Þetta væri alveg eins og Guðmundur Guðmundsson kæmi í viðtal í fjölmiðli og segði að ef Einar Hólmgeirsson hefði gefið kost á sér í liðið fyrir þessa ólympíuleika, þá hefðum við unnið gullið.  Það væri ódýr skýring.  Þessi ummæli Wilbek er dæmi um það þegar þjálfari talar fjálglega fyrir mót og svo þegar á hólminn er komið ganga hlutirnir ekki upp og þá er farið leita einfaldrar skýringar á lélegu gengi sem fyrst og fremst er honum og leikmönnunumm að kenna.

Wilbek hefur fundið skýringuna