Ég hélt að ameríkanar væru sérstakir

Ég hélt að svona lagað gerðist bara í bandaríkjunum, en það er greinilega ekki.  Og úr því að þetta gerist í Svíþjóð þá getur þetta gerst hér á landi.  Gerum við ekki allt eins og svíar í sambandi við okkar menntakerfi?

Barnaafmæli veldur uppnámi í Svíþjóð

Athugasemdir

[kennari (IP-tala skráð) 29.6.2008 kl. 13:00]

Þessi þumalputtaregla er viðhöfð í okkar skólum og þykir bara fín. Annað hvort allir eða engin

[Linda (IP-tala skráð) 29.6.2008 kl. 13:13]

Þykir fín af hverjum kennari? Þetta er bara forræðishyggja og skilaboð til barnanna að þau eigi ekki að hugsa sjáfstætt. Er ekki konið nóg af kerfishyggjufólki? Eiga allir að hugsa eins og vera eins? Er það stóra plan skólanna? Á að má út alla eðlilega einstaklingsþróun? Hér á landi eru skólarnir orðnir þannig að ef barnið passar ekki inn í einhvern fyrirfram skilgreindan kassa eftir einhverju fótformuðu kerfi þá er eitthvað að barninu. Dettur einhverjum í hug að athuga hvort það geti verið að sjálft kerfið er bilað? Eða bara eitthvað að fólkinu sem að tekur ákvarðanir fyrir kerfið?

[Rúna Vala, 29.6.2008 kl. 13:19]

Við verðum að gera okku grein fyrir því að þetta eru börn og börnum þykir afskaplega leiðinlegt að vera skilin útundan. Ef boðið er í bekkjarafmæli finnst mér alveg sálfsagt að bjóða öllum, allavega ekki bara næstum því öllum. Brugðið hefur verið á það ráð að bjóða öllum strákunum ef um strák er að ræða sem á afmæli og öllum stelpunum ef um stelpu er að ræða. Hins vegar finnst mér frekar langt gengið að fara að kæra þetta til þingsins!

[Púkinn, 29.6.2008 kl. 17:51]

Þessi sama regla er í gildi á Íslandi, a.m.k. í sumum skólum.

[Kristján Eldjárn Þorgeirsson, 30.6.2008 kl. 13:11]

Af hverju þarf að bjóða öllum bekknum í afmælið sitt.  Þetta var ekki til siðs þegar ég var yngri.  Ég bauð bara mínum vinum í afmælið mitt og þeim bekkjasystkinum sem ég hafði samskipti við fyrir utan skólann, mér finnst það bara réttur hvers og eins hverjum hann býður í afmælið sitt.  Þó að það væri einn aðili skilinn eftir þá hvað um það, það er ekkert víst að afmælisbarnið og viðkomandi aðili séu vinir og hafa kanski eldað grátt silfur.  Maður býður ekki þeim sem manni líkar ekki við í afmælið sitt, alveg sama hversu gamall maður er svo einfalt er það.  Það á ekki að vera skólanna, eða þingsins, að ákveða hverjum er boðið í afmæli og hverjum ekki.  Ef það er svo að skólar eru að skipta sér af þessu þá er menntakerfið á rangri leið hér á landi

[Sigríður Jóhannsdóttir, 30.6.2008 kl. 13:28]

Að mínu mati snýst málið ekki um það hvort hinn eða þessi ráði ekki hverjum hann býður eða hvað við gerðum, það þarf nú ekki að vera svo gott. Skólinn hlýtur að geta sett reglur um þetta og mér finnst reyndar eðlilegt að hann geri það. Þeir sem ekki vilja bjóða öllum bera bara kortin út, svo einfalt er það og varla mikið mál.