Ísland - Svíþjóð

Nú er ný lokið fyrsta leik íslenska landsliðsins og verður að segjast eins og er að það er búið að vera agalegt að horfa þennan leik þar sem svíar unnu 24 - 19.  Hér ætla ég að taka fyrir leikinn og reyna að leggja mat á hann. 

Vörn og markvarsla:  Varnir beggja liða voru góðar í heildina, sem sést best á skorinu í leiknum.  Varnarleikur beggja liða var að mínum dómi frábær og er það yfirleitt þannig, í handbolta, að ef vörnin er góð þá er markvarslan líka góð.  Svo sem ekki mikil vísindi á bakvið það.  Markvarslan var ívið betri Svía meginn og kemur það til af því að leikmenn íslenska liðsins voru að skjóta illa á sænska markvörðinn.  Birkir Ívar og Hreiðar stóðu sig vel í íslenska markinu og verða seint sakaðir um að hafa verið lélegir þessum leik.  Þeir voru góðir og í raun einu leikmenn íslenska liðsins ssem virtust tilbúnir í verkefnið frá upphafi.

Sókn:  Sóknarleikur Íslands var vægast sagt lélegur og var það að mínum dómi sem skilur á milli liðanna í kvöld.  Sóknin var hæg og úrræðaleysið algjört, allan hraða skorti í spilið og sendingafeilar voru of margir.  Það leit út fyrir að menn væru hræddir við að taka af skarið og þar af leiðandi var enginn sem náði flugi í sóknarleik Íslands, menn voru að taka illa ígrunduð skot sem Tomas Svenson átti auðvelt með að verja.  Eins og Guðmundur Guðmundsson benti réttilega á eftir leik áðan að hugarfarið var ekki rétt hjá íslensku leikmönnunum og engu líkara að það hafi orðið eftir inni í klefa.  Mér fannst svipað vera uppi á teningnum hjá Svíum þeir náðu sínum sóknarleik aldrei almennilega í gang, þeir skora flest mörk sín úr hraðaupphlaupum og hraðri miðju, eitthvað sem Íslendingum tókst ekki að gera nógu markvisst. 

Hraðaupphlaup og víti:  Það þarf ekkert að tala um það, svíarnir voru bara betri á þessu sviði handboltans.  Þeir nýttu sín hraðaupphlaup á meðan íslendingum tókst það ekki og þar skildi á milli liðanna.  Vítaköstin voru svipuð hjá liðunum.

Í heildina var þetta sem sagt lélegur sóknarleikur hjá Íslendingum, í 50 mínútur, sem skildu liðin að.  Hefði Íslenska liðið spilað betri sóknarleik á móti þessu sænska liði þá hefðu Ísland unnið þennan leik auðveldlega.  Það er mín skoðun á þessum leik.  Nú er bara vonandi að Íslendingar bíti í skjaldarrendur og vinni næstu tvo leiki.  Liðið hefur alveg getu til þess og það hefur oft sýnt magnaða leiki næst á eftir ef það hefur lent í mótlæti.  Ég hef bullandi trú á þessu áfram og veit að strákarnir taka sig saman í andlitinu og leggja sig alla fram í næstu tvo leiki og geri góða hluti.  Þeir skulda þjóðinni það og þeir skilda Alfreð það líka.

Athugasemdir

[Steinn Hafliðason, 17.1.2008 kl. 23:55]

Ég vona að þessi úrslit losið aðeins um þá spennu sem þeir keyrðu sig upp í fyrir mótið.

Áfram Ísland

[Anna Sigga, 18.1.2008 kl. 10:38]

 Mér fannst nú markvarla Svía meira en ívið betri... hörku skarfur í markinu hjá þeim. (ætla ekkert að tjá mig um dómgæsluna)

 Auðvitað tek ég undir með Steini og segi Áfram Ísland!

[Kristján Eldjárn Þorgeirsson, 19.1.2008 kl. 13:11]

Sænski markvörðurinn er góður og allt það en að mínum dómi var hann að verja svona mikið af því að íslensku leikmennirnir skutu illa á hann og hann var bara að verja það sem hann átti að verja.  Þegar leikmenn skjóta illa á markið getur hvaða markvörður sem er, hversu reynslumikill sem hann er eða hversu góður eða lélegur hann er, varið nánast allt sem á markið kemur.

[Heiða Þórðar, 19.1.2008 kl. 16:30]

HANDBOLTI - farin! en þó ekki án þess að óska þér gæfu og gleði á komandi ár.

[Anna Sigga, 19.1.2008 kl. 17:56]

jæja Diddi nú geturðu aldeilis farið að monta þig af strákunum... 5:16 eftir fyrri hálfleik... og Logi karlinn með langskot á síðustu sekúndum þess... haa nú er gaman að vera til :)