Stórkostlegir tónleikar á Selfossi

Var að koma af hreint stórkostlegum jólatónleikum, sem haldnir voru í íþróttahúsinu Iðu á Selfossi nú í kvöld.  Þarna stigu á stokk margir af fremstu listamönnum þjóðarinnar og má þar nefna Ragga Bjarna, hinn eina sanna, Diddú, Friðrik Ómar og Guðrúnu Gunnarsdóttur.  Þar að auki komu einnig fram Karlakór Selfoss, tvær ungar stelpur sem sungu einsöng en það voru þær Katrín Arna og Hildur og síðast en ekki síst ber að telja leyniatriði kvöldsins sem var stórkostlegur söngur Gísla Stefánssonar og Maríönnu Másdóttur, við undirleik Stefáns Þorleifssonar.  Alveg hreint frábær söngdúett þar á ferð, sem við sunnlendingar, sem og aðrir landsmenn, eigum vonandi eftir að fá að heyra meira í.  Þetta var einn af hápunktum tónleikanna.  Annar hápunktur tónleikanna var, að mínum dómi, söngur Diddúar og Karlakórs Selfoss þegar þau fluttu saman lagið Ó Helga Nótt.  Skipuleggjandi þessara tónleika er enginn annar en Kjartan Björnsson og á hann heiður skilinn fyrir að leggja á sig þessa vinnu og um leið að koma með svona menningarviðburð hér á Selfoss.  Kjartan er ótrúlegur maður og óhætt er að segja að hann er óhræddur við að hrinda hugmyndum sínum í framkvæmd, svo eftir verði tekið.  Ber þar að nefna Selfossþorrablótið, sem hann hefur haldið undanfarin ár við góðar undirtektir.  Kjartan stóð fyrir glæsilegri afmælishátíð nú í haust í tilefni af 60 ára afmæli Selfossbæjar.  Og nú kemur hann með enn einn menningarviðburðinn, sem voru þessir tónleikar.  Ég vil leggja það til hér og nú að Kjartan Björnsson verði valinn maður ársins hér á Suðurlandi fyrir að koma með alla þessa menningartengdu viðburði hingað á Suðurlandið.  Hann á það svo sannalega skilið. 

Athugasemdir

[Ragnar Geir Brynjólfsson, 13.12.2007 kl. 23:48]

Takk fyrir þennan pistil Kristján. Ég tek undir þetta. Það hefði nú verið frábært ef RÚV hefði komið og tekið þetta upp til að sjónvarpa síðar. Það hlýtur að vera hægt rétt eins og þeir sjónvörpuðu frostrósatónleikunum frá Hallgrímskirkju eða útitónleikum Sigurrósar.

[Dagrún Ingvarsdóttir (IP-tala skráð) 15.12.2007 kl. 12:59]

Ég fór nú ekki á tónleikana en hef heyrt að þeir hafi verið stórkostlegir. Ég tek algjörlega undir þetta með þér Kristján það sem þú segir um hann Kjartann, hann hefur gert svo frábæra hluti s.s. þorrablótið sem enginn vill missa af.

[X-D (IP-tala skráð) 16.12.2007 kl. 01:27]

Kjartan er bara flottur og ættu Selfossbúar að vera löngu búnir að kjósa hann til stjórnar í Bæjarfélaginu, ég tala nú ekki um að kjósa hann á Alþingi

[Sú gamla (IP-tala skráð) 17.12.2007 kl. 23:59]

Já ég segi það sama tónleikarnir voru hreint stórkoslegir, við eigum frábæra listamenn, en hann Kjartan það er hann sem þó stendur upp úr þessu öllu, þvílík framtakssemi, hann á það skilið að við sunnlendingar flykkjum okkur um hann og kjósum hann mann ársins á Suðurlandi,það þarf engin orð um það meira,   

                                                                                                                                     sú gamla.