Söngvakeppni evrópskra sjónvarpsstöðva

Er að horfa á afskaplega asnalegan þátt frá þessari virtu keppni.  Þarna eru samankonir Eurovisionspekingar norðurlandanna.  Eiríkur"okkar" Hauksson, töffari og eðalrokkari er þarna fyrir okkar hönd.  Þetta er frekar skrítinn þáttur.  Eftir því sem mér skilst þá er þetta fólk þarna til að krifja lögin til mergjar.  Lítur út eins og fótboltaspekulnatar sem eru að velta fyrir sér, fyrir leik, hvað gerist ef annað liðið skorar á undan hinu liðinu.  Eiríkur og co eiga að gefa löndunum stig eftir því hvað þeim finnst.  Fjallað var um íslenska lagið í þættinum og auðvitað fékk það flestu stigin þar sem engin af þátttakendunum vildi vera að "drulla yfir" Eirík okkar.  Spurning hvort hann hefði ekki átt að taka sér hlé þetta árið í þessum þætti vegna þátttöku sinnar í keppninni.  En að keppninni sjálfri.  Það er greinilega orðinn mikill glamúr í kringum þessa keppni og undanfarin ár hafa flott atriði unnið þetta.  Ég held að þátttaka Páls Óskars, árið 1997 að mig minnir, hafi breitt þessari keppni í það sem hún er í dag, þó að atriðið hans hafi ekki hlotið náð fyrir augum evrópubúa þá.  En það skemmtilegasta við þessa keppni hér á landi eru væntingarnar sem gerðar eru til þess að Ísland sigri.  Undanfarin ár höfum við orðið að taka þátt í forkeppni þessarar keppni og höfum ekki haft erindi sem erfiði, þrátt fyrir miklar væntingar.  T.d. þegar Selma keppti, fyrir tveimur árum, þá voru uppi þvílíkar væntingar, það var í rauninni formsatriði að taka þátt í þessari forkeppni.  Selma átti nefnilega að sigra þessa keppni eftir svakaleg vonbrigði 1999.  En, því  miður, komst hún ekki upp úr forkeppninni.  Svipaðar væntingar voru gerðar til Silvíu Nótt í fyrra en allt kom fyrir ekki, hún komst heldur ekki í aðalkeppnina.  Það verður því spennandi að heyra væntingarnar fyrir forkeppnina 10. maí n.k.  Og þá vonbrigðin sem verða ef Eiríkur kemst ekki áfram, sem ég vona svo sannalega að hann geri.

Gengur íslenska þjóðin til kostninga 12. maí n.k. með brostið hjarta útaf Eurovision?

Eldjárn kveður!

Athugasemdir

[Guðný frænka Ingvars (IP-tala skráð) 13.4.2007 kl. 22:49]

Ekki nógu góð tímasetning 12 maí . Er sennilega í sveinsprófi þennan dag , en þetta verður allt saman svo spennandi.

Kveðja Guðný gella, frænka

[Heiða Þórðar, 13.4.2007 kl. 23:56]

Heyrðu nú mig eldhugi, ertu kannski íþróttaálfurinn?

[Ölkelduháls (IP-tala skráð) 14.4.2007 kl. 00:29]

ég legg til að K-onum tveimur verði frestað þar sem GG-frænka er ekki viðlátin.

hugmyndir um nýjar tímasetningar skilist til nefndarinnar.

[Kristján Eldjárn Þorgeirsson, 14.4.2007 kl. 00:33]

Íþróttaálfur? Ég er ekki líkur Magga  en ég hef gaman af íþróttum, sérstakalega handbolta og fótbolta.

[Heiða Þórðar, 14.4.2007 kl. 19:13]

ha ha, já auðvitað man ég eftir þér! Gaman að hitta þig hér. Kannaðist bara hreint ekkert við þig í þessum jakkafötum

[Íris Árný(minnhugur.bloggar.is) (IP-tala skráð) 16.4.2007 kl. 15:56]

Held að við séum búin að festast í þessari forkeppni...þess vegna finnst mér svo gaman að sjá hversu mikið er lagt upp úr keppninni hér heima, það var það sem ég saknaði við júró...keppnin hér heima, fór í taugarnar á mér þegar það var barið valið eitthvað lag og svo sá heitasti þann mánuðinn fenginn til að syngja.....