Stóriðja eða ekki stóriðja?

Sá í þættinum Ísland í dag í gær á Stöð 2 viðtal við Halldór Halldórsson, bæjarstjóra á Ísafirði og formann samtaka sveitarfélaga.  Þar var verið að spyrja hann álits á íbúakostningu, eins og var í Hafnarfirði um liðna helgi.  Hann sagði að svona lagað yrði þróunin varðandi svona stór mál hjá svietarfélögunum.  Síðan véku spyrlarnir að öðru og það var grein sem Þessi ágæti Halldór hafði skrifað um það þyrfti að vera stóriðja í hverjum landshluta til að atvinnuleysi yrði ekki mikið, ef ég man þetta rétt.  Halldór sagði að umhverfisverndarsinnar hefðu sagt það, fyrir 4 árum síðan, að það væri hægt að skapa 700 ný heilsársstörf á austurlandi ef hætt yrði við Kárahnjúkavirkjun.  Hann sagðist hafa biðlað til þeirra að koma með þessi störf vestur á firði.  Mér skildist að 50 manns hefðu sett sig í samband við hann með ýmsar hugmyndir, sem reyndar engar hefðu verið framkvæmdar.  Voru þessi störf flest tengd ferðaþjónustu og öðru slíku.  Hvernig á líka að vera hægt að skapa 700 ný heilsársstörf í kringum ferðaþjónustu vestur á fjörðum þegar besti sumarfrístiminn þar er frá því í endaðan maí og fram í miðjan september?  Það geta varla verið það margir ferðamenn þar yfir vetrartímann að 700 manns geti haft lifibrauð af því.  Sama á við um Húsavík, að mínum dómi.  Þaðan er búið að fara burtu með t.d. Mjólkursamlagið, sem eflaust hefur verið stór vinnustaður.  Kísiliðjan í Mývatnssveit lagði upp laupana, þar misstu nokkrir vinnunna, að mér skilst.  Getur ekki stóriðja, á borð við álver, hjálpað byggðinni þarna? Styrkt hana og eflt? Já, ég held að stóriðja geti gert mikið fyrir þetta svæði, s.br. auturland.  Fólk fylltist bjartsýni þar þegar byrjað var á framkvæmdum þar.  Byggðin hefur klárlega styrkst þar.  Það sama hlýtur að gerast á og í kringum Húsavík.  VG hefur m.a. hamrað á því að það eigi að gera eitthvað annað, fyrir þessa staði, heldur en að byggja þar stóriðju.  Þeir hafa nefnt ferðaþjónustutengda starfsemi, sem getur ekki gengið upp nema í fáa mánuði á ári.  Svo komu þeir með það að "sprotafyrirtæki" væru í umvörpum tilbúin að koma og setja sig niður á þessum litlu stöðum.  Hvað gera svona fyrirtæki fyrir íbúa svæðisins, ef þetta eru t.d. hátæknifyrirtæki.    Nákvæmlega ekki neitt því að nær flest allir íbúar þessara svæða hafa því miður ekki háskólamenntun.  Það væri líka gaman að fá að vita það hjá VG hvaða fyrirtæki þetta eru.  Mér finnst þetta fáránleg byggðastefna hjá VG.  Það er bara eitthvað annað en stóriðja sem kemst að hjá þeim.  Ég held að þeir skilji ekki að það eina sem getur bjargað byggðum landsins er einhverskonar stóriðnaður, enda að stærstum hluta 101 fólk sem ekki hefur komið lengra en upp í Mosfellsbæ.  Þetta er fólk sem vill að allt sé staðsett á höfuðborgarsvæðinu og lansbyggðin er ekki til í þeirra huga.  Ég er stóriðjusinni og landsbyggðarmaður sem stið uppbyggingu á stóriðju á landsbyggðinni.  En jafnframt vil ég fara hægt í sakirnar og vanda alla vinnu í sambandi við þetta þ.e. virkjunarsvæði o.þ.h.

Eldjárn kveður!

Athugasemdir

[Dagrún Ingvarsdóttir (IP-tala skráð) 4.4.2007 kl. 07:58]

Góð grein hjá þér frændi!

[Arnar Gunnarssson (IP-tala skráð) 4.4.2007 kl. 10:08]

Mývantssveit eru ekki minna sótt heim að vetri til, fjarri því. Það er margt í boði fyrir ferðarmenn yfir vetrartímann þar. Sem þeir svo nýta sér mjög mikið. Stóriðja leysir engan vanda, það er líka eins og stóriðja sé eitthvert töfrarorð yfir allt hjá stjórnarmeirihlutanum. Ég tel að Íslendingar verði að fara að fara að vakna og sjá hvað þeir vilja með landið okkar og möguleika þess í framtíðinni. Ekki bara næstu 30-40 árin heldur næstu hundruðin eða þúsundin.

Kæri vinur þú ert sammála mér, þú segir það eiginilega sjálfur í greininni "Kísiliðjan í Mývatnssveit lagði upp laupana". Já einmitt, eftir 30 ára tilvist! Alveg hreint frábært.

Svo elska ég rök á borð við: "það kom hvort eð er enginn á Kárahnjúka áður". Og? hvað með það? Ég hef ekki séð Niagarafossa eða Amazonfljót, ekki vil ég eyðileggja það! Önnur rök "uppbygging er gífurleg á Austurlandi og þar er ekkert atvinnuleysi". Þetta eru rök sem sjálfur Nasistaflokkurinn hefði verið stoltur af. Auðvitað er nóg að gera á Austurlandi, hvernig ætti ekki að vera nóg að gera? Það er verið að reisa álver og einstaklega "gáfulega" virkjun. Það segir sig sjálft að nóg er að gera. Og...... þjóðin nýtur fjarri því góðs af því, heldur örfáir verktakar hvort sem þeir innlendir eða erlendir hvort sem orkan fæst þeim gefins eða annað. Íslenska þjóðin sér hins vegar vexti hækka, íbúðalán hækka, bílalán hækka osfrv.

Jæja nóg komið af tuði í bili.